පාසල් අධ්යාපනයෙන් පසු නව වැඩ ලොව වෙත එක්වෙන දරු දැරියන් සඳහා නිසි මග පෙන්වීමේ අරමුණ පෙරදැරිව සංවිධානය වන වෘත්තීය මාර්ගෝපදේශන වැඩසටහන 2023.09.01 මත්තෙගොඩ විද්යාදීප විද්යාලයේදී පැවැත්විණි .
මෙවර අ.පො.ස (සා/පෙළ ) විභාගය සඳහා ඉදිරිපත් වීමට අපේක්ෂිත සිසු දරුවන් ඉලක්ක කරගනිමින් පැවැත්වූ මෙම වැඩසටහන සඳහා සම්පත්දායකත්වය දෙහිවල , කෝට්ටේ , කැස්බෑව සහ හෝමාගම නිපුණතා සංවර්ධන නිලධාරීන් මෙන්ම මිනිස්බල හා රැකීරක්ෂා දෙපාර්තමේන්තුවේ මානවසම්පත් නිලධාරීන් හා වෘත්තීය මාර්ගෝපදේශන නිලධාරිනී එරන්දතී රන්දෙණිය මහත්මිය විසින් ලබාදෙන ලදී.
කාර්යාලයීය මානව සම්පත් නිලධාරීන් සහ නිපුණතා සංවර්ධන නිලධාරීන් විසින් මෙම වැඩසටහන සංවිධානය කරන ලදී.
