ප්‍රාදේශීය ලේකම් කාර්යාලය - හෝමාගම

2025.02.07 දින සිට ජනාධිපති අරමුදල ප්‍රාදේශීය මට්ටම දක්වා විමධ්‍යගත කිරීම යටතේ ආරම්භ කළ වෛද්‍යාධාර ගෙවීම් ක්‍රියාවලියේ දිවයිනේ වැඩිම ප්‍රතිලාභින් පිරිසක් වෙනුවෙන් ගෙවීම් කළ ප්‍රාදේශීය ලේකම් කාර්යාලය වශයෙන් හෝමාගම ප්‍රාදේශීය ලේකම් කොට්ඨාසයේ 75 වන ප්‍රතිලාභියා වෙනුවෙන් හිමි චෙක්පත 2026.01.01 දින ප්‍රාදේශීය ලේකම් බී.ඒ.ඩී. චින්තක මහතා විසින්  ලබා දෙන ලදී.

මෙම විශේෂ අවස්ථාව සඳහා හෝමාගම සහකාර ප්‍රාදේශීය ලේකම් චමල් ඩී.තේනුවර මහතා සහ ගණකාධිකාරි පී.ආර්. කුරුප්පුඅච්චිගේ මහතාද  සහභාගි විය.

 ජනාධිපති අරමුදලේ වෛද්‍යාධාර නොවන සේවා යටතේ 592 ඒ -  සියඹලාගොඩ දකුණ ග්‍රාම නිලධාරි  වසමේ පදිංචි දරුවන් දෙදෙනෙකු වෙත හිමි අධ්‍යාපන ආධාර  ප්‍රථම චෙක්පත  2026.01.01 දින ප්‍රාදේශීය ලේකම් බී.ඒ.ඩී.චින්තක මහතා විසින්  දරුවන්ගේ මව වෙත ලබා දෙන ලදී.

මෙම විශේෂ අවස්ථාව සඳහා හෝමාගම සහකාර ප්‍රාදේශීය ලේකම් චමල් ඩී.තේනුවර මහතා, සමාජ සේවා නිලධාරින් සහ විෂය නිලධාරි සහභාගි විය.

බස්නාහිර පළාත් ක්‍රීඩා අමත්‍යංශය, හෝමාගම ප්‍රාදේශීය ලේකම් කාර්යාලය,බස්නාහිර  පළාත්  පෙර පාසල් ඒකකය, පෙර පාසල් ගුරුවරියන් සඳහා ශාරීරික චලන අභ්‍යාසවල යෙදීම හා නිවැරදි ඉරියව් පවත්වාගෙන යෑම පිළිබඳව එක්දින ප්‍රායෝගික පුහුණු වැඩසටහනක් දෙසැම්බර් මස 08 සඳුදා දින උදෑසන 08.00 සිට සවස 04.00 දක්වා හෝමාගම මධ්‍ය මහා විද්‍යාලීය ශ්‍රවනාගාරයේදී පැවැත්විණි.පෙර පාසල් ගුරුවරියන් 112කු මේ සදහා සහභාගී වු අතර පෙර පාසල් ඒකකයේ සුනිල් බණ්ඩාර මහතා හා මුල් ළමාවිය සංවර්ධන නිලධාරී  චමරි ලක්මාලි මහත්මියගේ දායකත්වය මෙි සදහා ලැබුණි.මුල්‍ය දායකත්වය හා සම්පත් දායකත්වය  බස්නාහිර පලාත් ක්‍රීඩා  අමාත්‍යංශය මගින් සිදු කරන ලදී.